Poslovne vesti - Makedonija

„Алкалоид“ со обновен сертификат од Агенцијата за лекови на Романија

„Алкалоид“ доби обновен сертификат за Добра производна пракса (ГМП) од Националната агенција за лекови и медицински помагала при Министерството за здравство на Романија, по извршената инспекција во погонот за производство на полусинтетски цефалоспорини.

Од „Алкалоид“ соопштуваaт дека тоа е петта инспекција на нивните погони од страна на романските авторитети, што претставува уште една потврда за највисоките европски стандарди што компанијата ги применува во секојдневното работење, а се основа за стекнување и одржување на авторизациите за пласман на своите производи не само во Европската Унија, туку и пошироко.

Со ова „Алкалоид АД“ Скопје се потврдува како високопрофесионален производител на фармацевтски производи со примена на најсовремени производствени технологии и деловни стандарди, сe со единствена цел - квалитетни, ефикасни и безбедни лекови, се вели во соопштението од „Алкалоид“.